Ekitaldian parte hartu dute Microsoft Ibericaren
Erakundeekiko Harremanetarako gerente Montserrat Pardok eta Eusko Jaurlaritzako
Hizkuntza Politikarako sailburuorde Patxi Baztarrikak. Halaber, Arrasateko
Micrisofot Berrikuntza Zentroko Natividad Herrastik lanabes berrien erakusketa
praktiko bat egin du.
Microsoft konpainiak Euskadiko ekimen berritzaileen garapenean emandako beste urrats bat da Windows 8 eta Office tresnak euskaratu izana, Informazio Teknologien bidez eleaniztasuna sustatzen jarraitzeko xedea duena.
Horrela, Euskadiko etxeko erabiltzaile, profesional, enpresa
eta erakundeek dagoeneko doan deskarga dezakete euskarazko interfaze-paketea
eta, horri esker, Microsoften euskarazko bi produktu berritzaileenak erabili
ahal izango dira ondorengo esteka hauetan sartuta: www.microsoft.es/eus eta
www.euskadi.net/euskara_soft
Alde batetik, Windows 8 tresnak, erabiltzailearen interfaze
berria eta hobetua, pertsonalizatzeko eta konektatzeko aukera garrantzitsuak
jasotzen ditu, bai eta kalitate handiko aplikazio-gama zabala ere.
Sistema eragilearen harrera oso ona izaten ari da merkatuan, eta horrela, merkaturatu zenetik sei hilabete igaro direnean, mundu guztian 100 milioi lizentzia saldu dira eta Windows 8arekin ziurtatutako 2.400 gailu baino gehiago daude.
Sistema eragilearen harrera oso ona izaten ari da merkatuan, eta horrela, merkaturatu zenetik sei hilabete igaro direnean, mundu guztian 100 milioi lizentzia saldu dira eta Windows 8arekin ziurtatutako 2.400 gailu baino gehiago daude.
Bestalde, Office berriak erabiltzailearen esperientzia
hobetzen eta haren produktibitatea hobetzen laguntzen du, bai eta
"hodeian" komunikazioko eta lankidetzako ingurua sortzen ere. Lanabes
informatiko berriak, Word, Excel, PowerPoint eta OneNote ez ezik, Access,
Publisher eta Outlook aplikazioak ere jasotzen ditu. Gainera, Office berria
sare sozial guztiekin integratzen da.
Eusko Jaurlaritzako Hizkuntza Politikareko sailburuorde
Patxi Baztarrikak bere hitzaldian adierazi duenez, Jaurlaritzak garatzen duen
hizkuntza politikaren helburu nagusia, euskararen erabilera areagotzea eta
sendotzea da, baita IKTetan ere, eta teknologia horiek euskararako baliatzea
"oso garrantzitsua" delako.
"Garrantzitsua da, ez teknologia horietan nolabait egotea komenigarria delako, baizik eta nahitaezkoa duelako euskarak teknologia horietaz ere baliatzea. Etengabeko berrikuntzari lotu behar zaio euskara, eta teknologia nagusi duen gizarte honetan berrikuntzaren uretan ibiltzeko nahitaezkoa du euskarak produktu teknologikoez baliatzea. Bai edo bai jakin behar dute euskaraz hitz egiten teknologia horiek", esan du.
Baztarrikak gaineratu du eskola-umeek, lehenengo
eskola-urteetan, ordenagailuak eta gailu mugikorrak "naturaltasunez"
euskaraz erabiltzen hastea "oso garrantzitsua" dela, "euskara
hazten ari baita, baina gehiago hazi behar du, gure gizarte hau gero eta
elebidunagoa izan dadin, eta elebitasuna gero eta orekatuagoa izan dadin".
ERABILERA
Bere iritziz, hazkunde horretarako bidaide behar du euskarak
Microsoft, eta Microsoft bera ere baliatu ahal izango da euskararen hazkundeaz.
"Euskararen osasunarentzat garrantzitsua da tresna teknologikoak hizkuntza
horretan izatea, baina garrantzitsuena eta erabakigarriena ez da hori:
garrantzitsuena eta erabakigarriena da eskura ditugun tresna eta produktu
horiek erabiltzea. Euskarak benetan behar duena erabilia izatea baita. Hiztunak
eta erabiltzaileak behar ditu", nabarmendu du.
Ildo horretan, Hizkuntza Politikarako sailburuordeak
Microsoft gonbidatu du "aurrerantzean ere" bidaide izaten
jarraitzera, eta euskal hiztunak produktu berriak erabiltzera.
Bestalde, Microsoft Ibérica-ko Erakundeekiko Harremanetarako
gerente Montserrat Pardok adierazi duenez, Windows 8 eta Office berria
"pizgarri bat dira", IKTen bidez eleaniztasuna sustatzeko bidean,
konpainiaren helburua baita "pertsona bakoitzak lan egin nahi duen
hizkuntza hautatzeko aukera izatea baita".
Bere esanetan, enpresa nagusiak dagoeneko Windows 8
tresnarekin buru-belarri hasi dira lanean hainbat Apps-en bitartez eta, haiei
esker, erabiltzaileek era guztietako edukiarekin era arin eta errazean
elkarreragin dezakete. Aplikazioen garapenak negozio-aukera handiak emango
dizkie Euskadiko ekintzaile, garatzaile eta enpresei.
Ekitaldia Arrasateko Microsoft-en Berrikuntza Zentroko
Natividad Herrastik egindako erakusketa praktiko baztekin bukatu da. Windows
8ri buruzko euskarazko zenbait aplikazio eta garapen aurkeztu ditu, bai eta
mahai elkarreragile, Kinect eta W8 tabletetan oinarritutako elkarrekintza
naturaleko erakusle batzuk ere.